ಸೆಲ್ಫಿ ತೆಗೆದುಕೊಳ್ಳಲು ಹೋಗಿ ಬೆಟ್ಟದಿಂದ ಬಿದ್ದ ಮಹಿಳೆ

ಹರಿದ್ವಾರ : ಮುಜಾಫರ್‌ನಗರದ ಜನಕ್‌ಪುರಿಯ ರೇಶು ಎಂಬ 28ರ ಹರೆಯದ ಮಹಿಳೆಯೊಬ್ಬರು ಅಕ್ಟೋಬರ್‌ 26 ಶನಿವಾರ ಬೆಳಗ್ಗೆ ಸೆಲ್ಪಿ ತೆಗೆದುಕೊಳ್ಳಲು ಹೋಗಿ ಮಾನಸ ದೇವಿ ದೇವಸ್ಥಾನದ ಬೆಟ್ಟದ ಬಳಿ 70 ಅಡಿ ಕಮಕದಿಂದ ಬಿದ್ದು ತೀವ್ರವಾಗಿ ಗಾಯಗೊಂಡಿದ್ದಾರೆ. 

ಘಟನೆ ನಡೆದಾಗ ರೇಶು ತನ್ನ ಕುಟುಂಬದೊಂದಿಗೆ ಶಿವಾಲಿಕ್ ಪರ್ವತದ ಮೇಲಿರುವ ಮಾನಸಾ ದೇವಿ ದೇವಸ್ಥಾನಕ್ಕೆ ಭೇಟಿ ನೀಡುತ್ತಿದ್ದರು ಎಂದು ನಗರ ಪೊಲೀಸ್ ಠಾಣೆ ಎಸ್‌ಎಸ್‌ಐ ವೀರೇಂದ್ರ ರಾಮೋಲಾ ತಿಳಿಸಿದ್ದಾರೆ. ಸ್ಥಳೀಯರ ಸಹಾಯದಿಂದ ರಕ್ಷಿಸಲ್ಪಟ್ಟ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಯಿತು ಮತ್ತು ನಂತರ ಹೆಚ್ಚಿನ ಚಿಕಿತ್ಸೆಗಾಗಿ ಏಮ್ಸ್ ರಿಷಿಕೇಶಕ್ಕೆ ಸ್ಥಳಾಂತರಿಸಲಾಗಿದೆ.

ದೇವಾಲಯದ ಬೆಟ್ಟದ ಕಡಿದಾದ ಭೂಪ್ರದೇಶವು ಯಾತ್ರಾರ್ಥಿಗಳ ನೆಚ್ಚಿನ ಸ್ಥಳವಾಗಿದ್ದು, ಎಚ್ಚರಿಕೆಯ ಫಲಕಗಳ ಹೊರತಾಗಿಯೂ ಸುಂದರವಾದ ದೃಶ್ಯವನ್ನು ನೋಡಲು ಬೆಟ್ಟದ ಅಂಚುಗಳ ಬಳಿ ನಿಲ್ಲುತ್ತಾರೆ. ಈ ರೀತಿಯ ಅಪಘಾತಗಳನ್ನು ತಡೆಯಲು ಹೆಚ್ಚಿನ ಪೊಲೀಸ್ ಬಂದೋಬಸ್ತ್ ಅನ್ನು ಸ್ಥಳೀಯರು ಈಗ ಒತ್ತಾಯಿಸುತ್ತಿದ್ದಾರೆ.