ಹೊಸದಿಲ್ಲಿ: ಟ್ವಿಟರ್‌ ಕಂಪನಿಗೆ ಸಂಬಂಧಪಟ್ಟ ಆಂತರಿಕ ಇಮೇಲ್‌ ಸಂವಹನ, ಸೂಕ್ಷ್ಮ ಮಾಹಿತಿ ಮತ್ತು ಇತರ ಯಾವುದೇ ದಾಖಲೆಗಳನ್ನು ಸೋರಿಕೆ ಮಾಡಿದಲ್ಲಿ ಸಂಬಂಧಿಸಿದ ಉದ್ಯೋಗಿಗಳ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಎಲೋನ್‌ ಮಸ್ಕ್ ಹೇಳಿದ್ದಾರೆ.
ಟ್ವಿಟರ್‌ ಕಂಪನಿಗೆ ಹಾನಿ ಮಾಡುವಂತಹ ಯಾವುದೇ ರೀತಿಯ ಮಾಹಿತಿಗಳನ್ನು ಬೇರೆಡೆ ಸೋರಿಕೆ ಮಾಡಿದರೆ ಅಂತಹ ಉದ್ಯೋಗಿಗಳ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಟ್ವಿಟರ್‌ ಕಂಪನಿಯ ಮುಖ್ಯಸ್ಥ ಎಲೋನ್‌ ಮಸ್ಕ್ ಉದ್ಯೋಗಿಗಳಿಗೆ ಹೇಳಿದ್ದಾರೆ.
ಈ ಹಿನ್ನೆಲೆಯಲ್ಲಿ ಇಂದು ಟ್ವೀಟ್‌ ಮಾಡಿರುವ ಝೋ ಶಿಫರ್‌ ಅವರು, ʼಈ ಬಗ್ಗೆ ಉದ್ಯೋಗಿಗಳಿಗೆ ಎಲೋನ್‌ ಮಸ್ಕ್ ಕಳುಹಿಸಿರುವ ಇಮೇಲ್‌ ದಾಖಲೆ ದೊರಕಿದೆʼ ಎಂದು ಹೇಳಿದ್ದಾರೆ.
