ವಿಶ್ವಕಪ್‌ ಕ್ರಿಕೆಟ್: ರೋಚಕ ಹಣಾಹಣಿಯಲ್ಲಿ ನೆದರ್ಲ್ಯಾಂಡ್‌ಗೆ ಗೆಲುವು

ಗೀಲಾಂಗ್: ಟಿ20 ವಿಶ್ವಕಪ್‌-2022ರ ಎರಡನೇ ಪಂದ್ಯದಲ್ಲಿ ಯುಎಇ ವಿರುದ್ಧ ನೆದರ್ಲ್ಯಾಂಡ್‌ ಕೂದಲೆಳೆಯ ಅಂತರದ ಗೆಲುವು ಸಾಧಿಸಿತು.

ಮೊದಲನೇ ಸುತ್ತಿನ ಗ್ರೂಪ್‌ ಎ ಪಂದ್ಯ ಕೊನೆಯ ಓವರ್‌ ವರೆಗೆ ಸಾಗಿತಾದರೂ ಜವಾರ್‌ ಫರೀದ್‌ ಎಸೆದ 20ನೇ ಓವರ್‌ ನ ಐದನೇ ಎಸೆತದಲ್ಲಿ ನೆದರ್ಲ್ಯಾಂಡ್‌ನ ಎಡ್ವರ್ಡ್‌ ಗೆಲುವಿನ ಹೊಡೆತ ಬಾರಿಸಿದರು.

ಯುಎಇ ತಂಡ ಗಳಿಸಿದ 111 ರನ್‌ಗಳ ಸಾಧಾರಣ ಮೊತ್ತವನ್ನು ತಲುಪಲು ನೆದರ್ಲಾಂಡ್‌ ತಿಣುಕಾಡಿತಾದರೂ ಕೊನೆಯಲ್ಲಿ ಗೆಲುವಿನ ನಗೆ ಬೀರಿತು.

ಇದಕ್ಕೂ ಮುನ್ನ ಟಾಸ್‌ ಗೆದ್ದು ಬ್ಯಾಂಟಿಂಗ್‌ ಆಯ್ದುಕೊಂಡ ಯುಎಇ, ನಿಗದಿತ 20 ಓವರ್‌ ಗಳಲ್ಲಿ ಎಂಟು ವಿಕೆಟ್‌ ನಷ್ಟಕ್ಕೆ ಕೇವಲ 111 ರನ್‌ ಗಳಿಸಿತು. ಮಹಮದ್‌ ವಸೀಮ್‌ 41 ರನ್‌ ಗಳಿಸಿದರು. ಉಳಿದ ಯಾವ ಬ್ಯಾಟ್ಸ್‌ಮನ್‌ ಗಳಿಂದಲೂ ಉತ್ತಮ ಪ್ರದರ್ಶನ ಮೂಡಲಿಲ್ಲ.

ನೆದರ್ಲ್ಯಾಂಡ್‌ ಬೌಲರ್‌ ಗಳು ಉತ್ತಮ ಬೌಲಿಂಗ್‌ ಸಂಘಟಿಸಿ, ಯುಎಇ ಬ್ಯಾಟ್ಸ್‌ಮನ್‌ ಗಳನ್ನು ಕಟ್ಟಿಹಾಕಿದರು. ಪಂದ್ಯದಲ್ಲಿ ಬಾಸ್‌ ದೆ ಲೀಡೆ ಮೂರು ವಿಕೆಟ್‌ ಗಳಿಸಿ ಗಮನಸೆಳೆದರು.

ಸ್ಕೋರ್ ಕಾರ್ಡ್

ಯುಎಇ

ಚಿರಾಗ್ ಸೂರಿ: 12(20), ಮಹಮ್ಮದ್ ವಾಸಿಮ್: 41(47), ಕಾಸಿಫ್ ದೌದ್: 15(14), ವ್ರಿತ್ಯ ಅರವಿಂದ್ :18(21), ಜವಾರ್ ಫರಿದ್ : 2(4), ಬಸಿಲ್ ಹಮೀದ್ : 4(4), ಸಿಪಿ ರಿಜ್ವಾನ್  (ಕ್ಯಾಪ್ಟನ್) : 1(2), ಆಯನ್ ಫಜಲ್ ಖಾನ್ : 5(7), ಪಳನಿಯಪ್ಪನ್ ಮೇಯಪ್ಪನ್ (ನಾಟ್ ಔಟ್) : 0(0), ಜುನೈದ್ ಸಿದ್ದಿಕಿ (ನಾಟ್ ಔಟ್): 0(1), ಇತರೆ : 13

ಬೌಲಿಂಗ್:

ಫ್ರೆಡ್ ಕ್ಲಾಸೆನ್: 4-0-13-2, ಟಿಮ್ ಪ್ರಿಂಗಲ್: 4-0-13-1, ಲೋಗನ್ ವ್ಯಾನ್ ಬೀಕ್ : 2-0-190, ಬಸ್ ಡಿ ಲೇಡೆ: 3-0-19-3, ಪಾಲ್ ವ್ಯಾನ್ ಮೀಕೆರಿನ್: 4-0-21-0, ರೋಯೆಲೋಫ್ ಮೆರ್ವೆ: 3-0-19-1

ನೆದರ್ಲೆಂಡ್

ವಿಕ್ರಂಜಿತ್ ಸಿಂಗ್: 10(7), ಮ್ಯಾಕ್ಸ್ ಓ ಡೌಡ್: 23(18), ಬಸ್ ಡಿ ಲೀಡೆ: 14(18), ಕೋಲಿನ್ ಅಕೆರ್ಮನ್: 17(19), ಟಾಮ್ ಕೂಪರ್: 8(16), ಸ್ಕಾಟ್ ಎಡ್ವರ್ಡ್ಸ್ : 16(19), ರೋಯೆಲೊಫ್ ಮೆರ್ವೆ: 0(2), ಟಿಮ್ ಪ್ರಿಂಗಲ್: 15(16), ಲೋಗನ್ ವ್ಯಾನ್ ಬೀಕ್: 4(4),  ಇತರೆ: 5

ಬೌಲಿಂಗ್‌:

ಜುನೈದ್ ಸಿದ್ದಿಕಿ: 4-0-25-3, ಬಸಿಲ್ ಹಮೀದ್: 1-0-7-1, ಆಯನ್ ಅಫ್ಜಲ್ ಖಾನ್: 3-0-15-1, ಪಿ. ಮೈಯಪ್ಪನ್: 4-0-22-1,

ಝಹೂರ್ ಖಾನ್: 4-0-11-1, ಝವರ್ ಫರಿದ್: 2.5-0-24-0, ಕಾಸಿಫ್ ದೌದ್ : 1-0-5-0