ʼಏಕ್‌ ತ್ರಿಪುರ, ಶ್ರೇಷ್ಠ ತ್ರಿಪುರ, ಏಕ್‌ ಭಾರತ, ಶ್ರೇಷ್ಠ ಭಾರತʼ : ಜೆ.ಪಿ.ನಡ್ಡಾ

ತ್ರಿಪುರಾ: ʼಏಕ್‌ ತ್ರಿಪುರ, ಶ್ರೇಷ್ಠ ತ್ರಿಪುರ, ಏಕ್‌ ಭಾರತ, ಶ್ರೇಷ್ಠ ಭಾರತʼ ಎಂಬ ಘೋಷಣೆಯೊಂದಿಗೆ ಪ್ರಧಾನಿ ಮೋದಿ ಯವರ ನಾಯಕತ್ವದಲ್ಲಿ, ಡಬಲ್‌ ಎಂಜಿನ್‌ ಸರ್ಕಾರವು ತ್ರಿಪುರದಲ್ಲಿ ಡಬಲ್‌ ಶಕ್ತಿಯೊಂದಿಗೆ ಹೊಸ ಇತಿಹಾಸವನ್ನು ಸೃಷ್ಠಿಸುತ್ತದೆ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ. ಪಿ. ನಡ್ಡಾ ಹೇಳಿದರು.

ಎರಡು ದಿನ ತ್ರಿಪುರ ಭೇಟಿಯಲ್ಲಿ, ತ್ರಿಪುರ ವಿಧಾನಸಭೆ ಪ್ರಚಾರಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು ಕಳೆದ ನಾಲ್ಕು ವರ್ಷಗಳಲ್ಲಿ ರಾಜ್ಯದಲ್ಲಿ ಸರ್ವತೋಮುಖ ಅಭಿವೃದ್ಧಿಗೆ ಶ್ರಮಿಸಿದ್ದೇವೆ. 2023 ರಲ್ಲಿ ಮತ್ತೆ ಅಧಿಕಾರಕ್ಕೆ ಬಂದರೆ ರಾಜ್ಯದಲ್ಲಿನ ಆರ್ಥಿಕತೆಯನ್ನು ಹೊಸ ಎತ್ತರವನ್ನು ತಲುಪಿಸುತ್ತೇವೆ ಎಂದು ಭರವಸೆ ಇಟ್ಟರು.

ಬಿಜೆಪಿ ಆಡಳಿತದಲ್ಲಿ ತ್ರಿಪುರದಲ್ಲಿ ಯಾವುದೇ ರಾಜಕೀಯ ಚಕಮಕಿ ನಡೆದಿಲ್ಲ. ಮೂರನೇ ಎರಡರಷ್ಟು ಬಹುಮತದೊಂದಿಗೆ ಸತತ ಎರಡನೇ ಅವಧಿಗೆ ಸರ್ಕಾರ ರಚಿಸಲು ರಾಜ್ಯದ ಜನತೆ ಬಿಜೆಪಿಯನ್ನು ಆಯ್ಕೆಮಾಡುತ್ತಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ತ್ರಿಪುರಾಕ್ಕೆ ಎರಡು ದಿನಗಳ ಭೇಟಿಯಲ್ಲಿರುವ ಬಿಜೆಪಿ ಅಧ್ಯಕ್ಷರು, ರಾಜ್ಯದ ತಲಾ ಆದಾಯವು ಶೇ.30 ರಷ್ಟು ಬೆಳೆದು ವಾರ್ಷಿಕ 1,30,000 ರೂ.ಗೆ ತಲುಪಿದೆ, ಇದು ರಾಜ್ಯವು ಮುನ್ನಡೆಯುತ್ತಿದೆ ಎಂಬುದರ ಸೂಚಕವಾಗಿದೆ ಎಂದು ಹೇಳಿದರು.