RSS ನಾಯಕನಿಗೆ ಕೊಲೆ ಬೆದರಿಕೆ: ಪ್ರಕರಣಕ್ಕೆ ಹಠಾತ್‌ ಟ್ವಿಸ್ಟ್!!

ಚಿಕ್ಕಮಗಳೂರು: RSS ನಾಯಕನಿಗೆ ಕೊಲೆ ಬೆದರಿಕೆಯೆಂದು ಸುದ್ದಿಯಾಗಿದ್ದ ವಿಷಯಕ್ಕೆ ಈಗ ಹಠಾತ್‌ ತಿರುವು ಸಿಕ್ಕಿದ್ದು, ನಗರದ ಪೋಲಿಸರು ಪ್ರಕರಣವನ್ನು ಬೇಧಿಸುವ ಮೂಲಕ ಇಬ್ಬರು ಬಾಲಕರನ್ನು ಆರೆಸ್ಟ್‌ ಮಾಡಿದ್ದಾರೆ.

ಶಶಿಧರ ಚಿಂದಿಗೆರೆ ಎನ್ನುವ ವ್ಯಕ್ತಿಯ ಮನೆಯ ಮುಂದೆ ನಿಲ್ಲಿಸಲಾಗಿದ್ದ ಕಾರಿನ ಟೈರುಗಳ ಗಾಳಿ ತೆಗೆದು ಕಾರಿನ ಗಾಜು, ಬಾಡಿ. ಬಾನೆಟ್‌ ಎಲ್ಲೆಂದರಲ್ಲಿ ಕಲ್ಲಿನಿಂದ ಗೀಚಿ ಕೊಲೆ ಬೆದರಿಕೆಗೆ ಸಂಬಂಧಿಸಿದ ಪದಗಳನ್ನು ಬಳಸಲಾಗಿತ್ತು.

ಈ ಬಗ್ಗೆ ತನಿಖೆ ನಡೆಸಿದ ಕಡೂರು ಠಾಣಾಧಿಕಾರಿ ರಮ್ಮ ಮತ್ತವರ ತಂಡವು ಈ ಕೃತ್ಯವನ್ನು ನಡೆಸಿದ ಆರೋಪದಲ್ಲಿ ಇಬ್ಬರು ಬಾಲಕರನ್ನು ಬಂಧಿಸಿದ್ದಾರೆ. ಈ ಬಾಲಕರು ರಾತ್ರಿ ಕಡೂರಿನಲ್ಲಿ ನಡೆದ ಆರ್ಕೆಸ್ಟ್ರಾ ನೋಡಿಕೊಂಡು ಮನೆಗೆ ಮರಳುವಾಗ ಈ ಕೃತ್ಯವನ್ನು ಎಸಗಿದ್ದಾರೆನ್ನಲಾಗಿದೆ.

ರಸ್ತೆ ಬದಿಯಲ್ಲಿ ನಿಲ್ಲಿಸಿರುವ ಚಂದ ಚಂದ ಕಾರುಗಳನ್ನು ಕಂಡು ತಮಗೆ ಅಂತಹ ಕಾರುಗಳನ್ನು ಕೊಳ್ಳಲು ಸಾಧ್ಯವಾಗುತ್ತಿಲ್ಲವಲ್ಲ ಎನ್ನುವ ಹೊಟ್ಟೆಯುರಿಗೆ ಹೀಗೆ ಮಾಡಿರುವುದಾಗಿ ಬಾಲಕರು ಹೇಳಿಕೆ ನೀಡಿದ್ದಾರೆ ಎನ್ನಲಾಗಿದೆ.