ಮದ್ಯ ಮಾರಾಟದಲ್ಲಿ ಕರ್ನಾಟಕವೇ ಟಾಪ್

ಹೊಸ ದೆಹಲಿ: ಇಂಡಿಯನ್ ಮೇಡ್ ಫಾರಿನ್ ಲಿಕ್ಕರ್ (IMFL) ಮಾರಾಟದಲ್ಲಿ ದಕ್ಷಿಣ ಭಾರತದ ರಾಜ್ಯಗಳು ಮುಂಚೂಣಿ ಸ್ಥಾನದಲ್ಲಿವೆ. 2024-25ರ ಆರ್ಥಿಕ ವರ್ಷದಲ್ಲಿ, ಕರ್ನಾಟಕ, ಆಂಧ್ರಪ್ರದೇಶ, ಕೇರಳ, ತಮಿಳುನಾಡು, ತೆಲಂಗಾಣ ಮತ್ತು ಕೇಂದ್ರಾಡಳಿತ ಪ್ರದೇಶವಾದ ಪುದುಚ್ಚೇರಿಯಲ್ಲಿ 23.18 ಕೋಟಿ ಕೇಸ್‌ಗಳ IMFL ಮಾರಾಟವಾಗಿದೆ.

ಇದರರ್ಥ, ದೇಶದಲ್ಲಿ ನಡೆದ ಒಟ್ಟು ಮಾರಾಟದಲ್ಲಿ ಶೇ. 58 ರಷ್ಟು ವ್ಯಾಪಾರ ಇಲ್ಲಿಯೇ ನಡೆದಿದೆ. ಈ ಮಾಹಿತಿಯನ್ನು ಕಾನ್ಫೆಡರೇಶನ್ ಆಫ್ ಇಂಡಿಯನ್ ಆಲ್ಕೋಹಾಲಿಕ್ ಬೆವರೇಜ್ ಕಂಪನೀಸ್ (CIABC) ಬಹಿರಂಗಪಡಿಸಿದೆ.

2024-25 ರ ಆರ್ಥಿಕ ವರ್ಷದಲ್ಲಿ IMFL ಮಾರಾಟದಲ್ಲಿ ದಕ್ಷಿಣ ಭಾರತದ ಆಧಿಪತ್ಯವು ಬಹುತೇಕ ಪರಿಪೂರ್ಣವಾಗಿದೆ. ಒಟ್ಟು ಮಾರಾಟದ ಶೇ. 58 ರಷ್ಟು ಇಲ್ಲಿ ನಡೆಯುತ್ತಿದ್ದರೆ, ಉಳಿದ ಶೇ. 42 ರಷ್ಟು ದೇಶದ ಇತರ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ನಡೆಯುತ್ತಿದೆ.

ಆದರೆ, 6.88 ಕೋಟಿ ಕೇಸ್‌ಗಳು ಮಾರಾಟವಾಗುವುದರೊಂದಿಗೆ ಕರ್ನಾಟಕವು ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಮುಂದುವರೆದಿದೆ. ಅದರ ನಂತರದ ಸ್ಥಾನದಲ್ಲಿರುವ ತಮಿಳುನಾಡಿನಲ್ಲಿ 6.47 ಕೋಟಿ ಕೇಸ್‌ಗಳು ಮಾರಾಟವಾಗಿವೆ.