ಮಾಜಿ ಬಾಯ್‌ ಫ್ರೆಂಡ್‌ ಕಿರುಕುಳ: ಖ್ಯಾತ ಕಿರುತೆರೆ ನಟಿ ವೈಶಾಲಿ ಟಕ್ಕರ್‌ ಆತ್ಯಹತ್ಯೆ

ಮಧ್ಯಪ್ರದೇಶ :  ಹಲವಾರು ಧಾರಾವಾಹಿಗಳಲ್ಲಿ ನಟಿಸಿ ಫೇಮಸ್​ ಆಗಿದ್ದ ಕಿರುತೆರೆ ಕಲಾವಿದೆ ವೈಶಾಲಿ ಠಕ್ಕರ್​ ಅವರು ಇಂದು ಭಾನುವಾರ ನಿಧನರಾಗಿದ್ದಾರೆ.

ಮಧ್ಯಪ್ರದೇಶದ ಇಂದೋರ್​ನ ಅವರ ನಿವಾಸದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಅವರ ಮೃತ ದೇಹ ಕಾಣಿಸಿಕೊಂಡಿದ್ದು, ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಶವದ ಪಕ್ಕದಲ್ಲೇ ಡೆತ್​ ನೋಟ್​ ಕೂಡ ಸಿಕ್ಕಿದ್ದು, ತೇಜಾಜಿ ನಗರ್​ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವೈಶಾಲಿ ಟಕ್ಕರ್ ಹಿಂದಿ ಕಿರುತೆರೆಯ ಜನಪ್ರಿಯ ನಟಿಯಾಗಿದ್ದಾರೆ. ಕಲರ್ಸ್‌ನಲ್ಲಿ ಪ್ರಸಾರವಾದ ‘ಸಸುರಲ್ ಸಿಮರ್ ಕಾ’ಧಾರಾವಾಹಿಯಲ್ಲಿ ವೈಶಾಲಿ ನಟಿಸಿದ್ದರು. ಈ ಧಾರಾವಾಹಿಯಲ್ಲಿ ಅಂಜಲಿ ಭಾರದ್ವಾಜ್ ಪಾತ್ರದಲ್ಲಿ ವೈಶಾಲಿ ಹೆಚ್ಚು ಹೆಸರುವಾಸಿಯಾಗಿದ್ದರು. ಬಳಿಕ ಅವರು ಅನೇಕ ರಿಯಾಲಿಟಿ ಷೋಗಳಲ್ಲಿ ಕೂಡ ಸ್ಪರ್ಥಿಯಾಗಿ ವಿಜೇತರಾಗಿದ್ದರೂ ಕೂಡ.

2021ರಲ್ಲಿ ವೈಶಾಲಿ ಠಕ್ಕರ್​ ಮತ್ತು ಡಾ. ಅಭಿನಂದನ್​ ಸಿಂಗ್​ ಎಂಬುಬವರ ಜೊತೆ ನಿಶ್ಚಿತಾರ್ಥ ನೆರವೇರಿತ್ತು. ಅದರ ವಿಡಿಯೋವನ್ನು ಅವರು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ಕೆಲವು ದಿನಗಳ ನಂತರ ಆ ಎಂಗೇಜ್​ಮೆಂಟ್​ ಮುರಿದುಬಿತ್ತು ಎಂದು ಅವರು ಹೇಳಿದ್ದರು. ಬಳಿಕ ವಿಡಿಯೋವನ್ನೂ ಡಿಲೀಟ್​ ಮಾಡಿದ್ದರು.

ʼಡೆತ್‌ ನೋಟ್‌ನ ಪ್ರಕಾರ ಮಾಜಿ ಪ್ರಿಯಕರನ ಕಿರುಕುಳದಿಂದ ಒತ್ತಡ ಉಂಟಾಗಿ ಆತ್ಮಹತತ್ಯೆಗೆ ಶರಣಾಗಿದ್ದಾರೆʼ ಎಂದು ಇಂದೋರ್‌ನ ಸಹಾಯಕ ಪೊಲೀಸ್‌ ಆಯುಕ್ತರು ಹೇಳಿದ್ದಾರೆ ಎಂದು ಎಎನ್‌ಐ ವರದಿ ಮಾಡಿದೆ.