ದೇಶದ ಗಡಿ ದಾಡಿ ರಿಮೇಕ್ ಆಗುತ್ತಾ ಆರ್ ಆರ್ ಆರ್, ಕೊರಿಯಾದಲ್ಲಿ ರಾಜಮೌಳಿ ಹವಾ
ಲಿಂಕ್ ನಕಲಿಸಲಾಗಿದೆ ✓
ಈ ವರ್ಷದ ಮಾರ್ಚ್‌ನಲ್ಲಿ ಬಿಡುಗಡೆಯಾದ ನಿರ್ದೇಶಕ, ನಿರ್ಮಾಪಕ ಎಸ್‌ಎಸ್ ರಾಜಮೌಳಿ ಅವರ ಆರ್‌ಆರ್‌ಆರ್ ಚಿತ್ರ, ಇದುವರೆಗಿನ ಅತಿದೊಡ್ಡ ಭಾರತೀಯ ಬ್ಲಾಕ್‌ಬಸ್ಟರ್‌ಗಳಲ್ಲಿ ಒಂದಾಗಿದೆ. ರಾಮ್ ಚರಣ್, ಜೂನಿಯರ್ ಎನ್ಟಿಆರ್ ಅಭಿನಯದ ಚಿತ್ರವು ವಿಶ್ವದಾದ್ಯಂತ ಬಾಕ್ಸ್ ಆಫೀಸ್‌ನಲ್ಲಿ 1000 ಕೋಟಿಗಳನ್ನು ಸಂಗ್ರಹಿಸಿದೆ ಮತ್ತು ಈಗ ಆಸ್ಕರ್ 2023 ಗೆ ಭಾರತದ ಅಧಿಕೃತ ಪ್ರವೇಶವಾಗಿ ಸ್ಪರ್ಧಿಗಳಲ್ಲಿ ಒಂದಾಗಿದೆ.
ರಾಜಮೌಳಿಯ ಈ ಆಕ್ಷನ್ ಡ್ರಾಮಾ ಚಿತ್ರವನ್ನು ಪ್ಯಾನ್-ಇಂಡಿಯಾ ಚಿತ್ರ ಎಂದು ಕರೆಯಲಾಯಿತು. ಈ ಚಿತ್ರ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಬಿಡುಗಡೆಯಾದ ನಂತರ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸಾಕಷ್ಟು ಪ್ರಶಂಸೆ ಗಳಿಸಲು ಪ್ರಾರಂಭಿಸಿತು. ಹಲವಾರು ಹಾಲಿವುಡ್ ಚಲನಚಿತ್ರ ನಿರ್ಮಾಪಕರು ಚಲನಚಿತ್ರವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಕೊಂಡಾಡಿದರು. ಅನೇಕ ಅಂತರರಾಷ್ಟ್ರೀಯ ಚಲನಚಿತ್ರ ನಿರ್ಮಾಪಕರು ಇದರ ಬಗ್ಗೆ ಮಾತನಾಡಿದರು. ಹಾಗಾಗಿ ಈ ಚಿತ್ರಕ್ಕೆ ಅಂತಾರಾಷ್ಟ್ರೀಯ ಮನ್ನಣೆಯೂ ದೊರಕಿತು.
ಈಗ ಇತ್ತೀಚಿನ ವರದಿಯ ಪ್ರಕಾರ ಎಸ್‌ಎಸ್ ರಾಜಮೌಳಿ ಅವರ ಚಿತ್ರ ಆರ್‌ಆರ್‌ಆರ್ ಕೊರಿಯಾದಲ್ಲಿ ರೀಮೇಕ್ ಆಗಲಿದೆ. ಗುರು ಫಿಲ್ಮ್‌ನ ಸುನೀತಾ ತಾಟಿ ಅವರು ಸಖಿನಿ ದಖಿನಿ ಚಿತ್ರವನ್ನು ಸಹ-ನಿರ್ಮಾಣ ಮಾಡಿದ್ದಾರೆ. ಇದರಲ್ಲಿ ನಿವೇತಾ ಥಾಮಸ್ ಮತ್ತು ರೆಜಿನಾ ಕಸ್ಸಂದ್ರ ನಟಿಸಿದ್ದು, ಇದು ಕೊರಿಯನ್ ಚಲನಚಿತ್ರ ಮಿಡ್‌ನೈಟ್ ರನ್ನರ್ಸ್‌ನ ಅಧಿಕೃತ ರಿಮೇಕ್ ಆಗಿದೆ. ಅವರು ರಾಮ್ ಚರಣ್, ಜೂನಿಯರ್ ಎನ್ಟಿಆರ್ ಅಭಿನಯದ ನಿರ್ಮಾಪಕರಲ್ಲಿ ಒಬ್ಬರಾಗಿದ್ದರು.
ಸಖಿನಿ ದಖಿನಿ ಚಿತ್ರದ ಪ್ರಚಾರ ಮಾಡುವಾಗ ಸುನಿತಾ ತಾಟಿ, ಇಡೀ ಜಗತ್ತು ಕೊರಿಯನ್ ಚಲನಚಿತ್ರಗಳ ಹಿಂದೆ ಇದೆ, ಆದರೆ, ಕೊರಿಯನ್ನರು RRR ಹಿಂದೆ ಇದ್ದಾರೆ ಎಂದು ಹೇಳಿದ್ದರು. ಜೊತೆಗೆ ಆರ್ ಆರ್ ಆರ್ ಚಿತ್ರದ ರಿಮೇಕ್ ಹಕ್ಕುಗಳಿಗಾಗಿ ಕೊರಿಯನ್ ಚಿತ್ರರಂಗದಿಂದ ದೊಡ್ಡ ಬೇಡಿಕೆ ಇದೆ ಎಂದೂ ಹೇಳಿದ್ದರು. ರಾಜಮೌಳಿ ಅವರಿಗೆ ಇದರ ಬಗ್ಗೆ ತಿಳಿದಾಗ ಅವರು ಇದರ ಬಗ್ಗೆ ಆಸಕ್ತಿ ಹೊಂದಿದ್ದರಂತೆ. ಹಾಗಾಗಿ ಕೆಲವು ಕೊರಿಯನ್ ಸಿನಿಮಾ ಮೇಕರ್ಸ್ ಈಗಾಗಲೇ ಆರ್ ಆರ್ ಆರ್ ಅನ್ನು ಕೊರಿಯಾಗೆ ಕೊಂಡೊಯ್ಯಲು ತಯಾರಿ ನಡೆಸಿದ್ದಾರಂತೆ. ಸೋ, ಆರ್ ಆರ್ ಆರ್ ಮತ್ತು ರಾಜಮೌಳಿ ಪ್ರೇಮಿಗಳಿಗೆ ಈ ಸಿನಿಮಾ ಭಾರತದ ಗಡಿ ಮೀರಿ ಇನ್ನೊಂದು ಭಾಷೆಗೆ ರಿಮೇಕ್ ಆಗುವ ಸಾಧ್ಯತೆ ಇದೆ ಅನ್ನೋ ಸುದ್ದಿ ಸಾಕಷ್ಟು ಖುಷಿ ತಂದಿದೆ.
Peepal Media
Peepal Media · ವಿಶೇಷ ವಿಭಾಗ
