ಇತ್ತೀಚೆಗೆ ಸಮಾಜದಲ್ಲಿ ಅಶಾಂತಿ ಸೃಷ್ಟಿಸುವ ಸಲುವಾಗಿ ಧರ್ಮ ಧರ್ಮಗಳ ನಡುವೆ ಕಂದಕ ಹುಟ್ಟಿಸಿ, ಆ ಮೂಲಕ ರಾಜಕೀಯ ಬೇಳೆ ಬೇಯಿಸಿಕೊಳ್ಳುವ ಪ್ರವೃತ್ತಿ ಹೆಚ್ಚಾಗಿದೆ. ಅದರಲ್ಲೂ ಧರ್ಮಾಂಧರನ್ನು ಕೆರಳಿಸಲು ಪಾಕಿಸ್ತಾನದ ಬಾವುಟ ಹಾರಿಸುವುದು, ಗುಂಪಲ್ಲಿ ನಿಂತು ಪಾಕಿಸ್ತಾನಕ್ಕೆ ಜೈ ಎನ್ನುವುದು ಕೂಡಾ ಹಲವಷ್ಟು ಕಡೆಗಳಲ್ಲಿ ಕೇಳಿ ಬಂದಿದೆ. ಮಹಾರಾಷ್ಟ್ರದಲ್ಲಿ ಇಂತದ್ದೇ ಒಂದು ಘಟನೆ ಬಕ್ರೀದ್ ಹಬ್ಬದ ಸಂದರ್ಭದಲ್ಲಿ ಬೆಳಕಿಗೆ ಬಂದಿದೆ.
ಮಹಾರಾಷ್ಟ್ರದ ಸೊಲ್ಲಾಪುರದಲ್ಲಿ ಮುಸಲ್ಮಾನರ ಪ್ರಾರ್ಥನಾ ಸ್ಥಳ ಈದ್ಗಾ ಪ್ರಾರ್ಥನಾ ಮೈದಾನದ ಹೊರಗೆ ಬಲೂನ್ ಮಾರುತ್ತಿದ್ದ ಹುಡುಗನ ಬಲೂನುಗಳಲ್ಲಿ “ಐ ಲವ್ ಪಾಕಿಸ್ತಾನ್” ಎಂಬ ಬಲೂನ್ ಕಂಡು ಬಂದಿದೆ. ಇದನ್ನು ಮುಸ್ಲಿಂ ಯುವಕರೇ ಕಂಡುಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ಕಂಡುಬಂದಿದೆ.
https://twitter.com/imMAK02/status/1674669545213263874?t=vkQmi7Upu1l2y-ZDu1AGxw&s=08
ಅಜಯ್ ಎಂಬ ಹಿಂದೂ ಸಮುದಾಯಕ್ಕೆ ಸೇರಿದ ವ್ಯಕ್ತಿಯೊಬ್ಬ ಈದ್ಗಾ ಮೈದಾನದ ಹೊರಗೆ ನಿಂತು ಬಲೂನ್ ಮಾರುತ್ತಿದ್ದು, ಆತ ಮಾರುತ್ತಿದ್ದ ಹೆಚ್ಚಿನ ಬಲೂನ್ ಗಳು ಹಸಿರು ಬಣ್ಣದಲ್ಲಿದ್ದು, ಅವುಗಳಲ್ಲಿ ‘ಐ ಲವ್ ಪಾಕಿಸ್ತಾನ’ ಎಂಬುದು ಕಂಡುಬಂದಿದೆ. ತಕ್ಷಣವೇ ಜಾಗೃತರಾದ ಮುಸ್ಲಿಂ ಯುವಕರು ಆತನನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ. ಪೊಲೀಸರು ಈ ಬಗ್ಗೆ ತನಿಖೆ ನಡೆಸುವ ಭರವಸೆ ನೀಡಿದ್ದಾರೆ.
