ದುಬೈ : ಪಾಕಿಸ್ತಾನ (Pakistan) ವಿರುದ್ಧ ನಡೆಯುತ್ತಿರುವ ಏಷ್ಯಾ ಕಪ್ನ (Asia cup) ಹೈವೋಲ್ಟೇಜ್ ಪಂದ್ಯದಲ್ಲಿ ಟೀಮ್ ಇಂಡಿಯಾ (India) ಅಕ್ಷರಶಃ ಅಬ್ಬರಿಸಿದೆ. ಪಾಕಿಸ್ತಾನವನ್ನು ಕೇವಲ 127 ರನ್ಗೆ ಕಟ್ಟಿಹಾಕಿದೆ.
ದುಬೈನ ಮೈದಾನದಲ್ಲಿ ನಡೆಯುತ್ತಿರುವ ಏಷ್ಯಾಕಪ್ನ 6ನೇ ಪಂದ್ಯದಲ್ಲಿ ಪಾಕಿಸ್ತಾನದ ನಾಯಕ ಸಲ್ಮಾನ್ ಅಲಿ ಘಾ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡ್ರು. ಸೂರ್ಯಕುಮಾರ್ ನೇತೃತ್ವದ ಟೀಮ್ ಇಂಡಿಯಾ ಮೊದಲು ಫೀಲ್ಡಿಂಗ್ ಮಾಡಿತು. ಪಾಕಿಸ್ತಾನದ ಪರ ಓಪನರ್ ಆಗಿ ಸೈಮ್ ಅಯೂಬ್, ಸಾಹಿಬ್ಜಾದಾ ಫರ್ಹಾನ್ ಕ್ರೀಸ್ಗೆ ಆಗಮಿಸಿದ್ರು.
ಭಾರತದ ಅಬ್ಬರ ಹೇಗಿತ್ತು ಅಂದ್ರೆ, ಪಂದ್ಯದ ಮೊದಲ ಓವರ್ನ ಮೊದಲ ಬಾಲ್ನಲ್ಲೇ ಮೊದಲ ವಿಕೆಟ್ ಬಿತ್ತು. ಆಲ್ರೌಂಡರ್ ಹಾರ್ದಿಕ್ ಪಾಂಡ್ಯ, ಪಾಕಿಸ್ತಾನದ ಆರಂಭಿಕ ಸೈಮ್ ಅಯೂಬ್ ವಿಕೆಟ್ ತೆಗೆದ್ರು.
ಮೊದಲ ಓವರ್ ಬೌಲಿಂಗ್ ಮಾಡಲು ಬಂದ ಹಾರ್ದಿಕ್ ಪಾಂಡ್ಯ ಪಾಕ್ ಎದೆಯಲ್ಲಿ ಕವಳ ಕುಟ್ಟೋ ರೀತಿ ಬೌಲ್ ಮಾಡಿದರು. ಮೊದಲ ಓವರ್ನ ಮೊದಲ ಬಾಲ್ ಅನ್ನು ಪಾಂಡ್ಯ ವೈಡ್ ಹಾಕಿದ್ರು. ಮತ್ತೊಂದು ಬಾಲ್ನಲ್ಲಿ ಪಾಕ್ ಓಪನರ್ ಸೈಮ್ ಅಯೂಬ್ನನ್ನ ಡಕೌಟ್ ಮಾಡಿದ್ರು. ಬಳಿಕ ಆರಂಭವಾಗಿದ್ದೇ ಬೂಬ್ ಬೂಮ್ ಬುಮ್ರಾ ಅಬ್ಬರ.
ಯುಎಇ ವಿರುದ್ಧದ ಪಂದ್ಯದಲ್ಲಿ ಪಾಕಿಸ್ತಾನವನ್ನು ಗೆಲ್ಲಿಸಿದ್ದ ಮೊಹಮ್ಮದ್ ಹ್ಯಾರಿಸ್ನನ್ನ ಬುಮ್ರಾ ಔಟ್ ಮಾಡಿದ್ರು. 5 ಎಸೆತ ಎದುರಿಸಿದ ಹ್ಯಾರಿಸ್, 3 ರನ್ ಗಳಿಸಿ ಹಾರ್ದಿಕ್ ಪಾಂಡ್ಯಗೆ ಕ್ಯಾಚಿತ್ತು ಪೆವಿಲಿಯನ್ಗೆ ನಡೆದರು. ಬಳಿಕ ಶುರುವಾಗಿದ್ದೇ ಸ್ಪಿನ್ನರ್ಗಳ ಅಬ್ಬರ.
ಫಕರ್ ಜಮಾನ್ ಹಾಗೂ ಪಾಕಿಸ್ತಾನದ ನಾಯಕ ಸಲ್ಮಾನ್ ಅಘಾನನ್ನು ಅಕ್ಷರ್ ಪಟೇಲ್ ಪೆವಿಲಿಯನ್ಗೆ ಕಳಿಸಿದರು. ಆಗ ಎಂಟ್ರಿ ಕೊಟ್ಟಿದ್ದೇ ಕುಲ್ದೀಪ್ ಯಾದವ್. ಬಿಗ್ ಹಿಟ್ಟರ್ ಮೊಹಮ್ಮದ್ ನವಾಜ್ ಹಾಗೂ ಮೊಹಮ್ಮದ್ ನವಾಜ್ರನ್ನು ಬ್ಯಾಕ್ ಟು ಬ್ಯಾಕ್ 2 ಬಾಲ್ಗಳಲ್ಲಿ ಔಟ್ ಮಾಡಿದರು. ಬಳಿಕ ಕ್ರಿಸ್ಗೆ ಅಂಟಿಕೊಂಡು ಆಡುತ್ತಿದ್ದ ಸಾಹಿಬ್ಜಾದಾ ಫರ್ಹಾನ್ಗೆ ಪೆವಿಲಿಯನ್ ಹಾದಿ ತೋರಿಸಿದರು. ಕೊನೇ ಓವರ್ಗಳಲ್ಲಿ ಶಹೀನ್ ಶಾ ಅಫ್ರೀದಿ ಅಬ್ಬರಿಸಿದರು. ಕೇವಲ 16 ಎಸೆತಗಳಲ್ಲಿ 33 ರನ್ಗಳಿಸಿ ಅಜೇಯರಾಗಿ ಉಳಿದರು. ಅಫ್ರೀದಿ ಇನ್ನಿಂಗ್ಸ್ನಲ್ಲಿ ಭರ್ಜರಿ 4 ಸಿಕ್ಸರ್ ಇದ್ದವು.
