ಬೆಂಗಳೂರು: ಬಹುದಿನಗಳಿಂದ ಕಾತುರದಿಂದ ಕಾಯುತ್ತಿದ್ದ ಕರ್ನಾಟಕ ರತ್ನ ಡಾ. ಪುನೀತ್‌ ರಾಜ್ ಕುಮಾರ್‌ ಅವರ ಕೊನೆಯ ಅಭಿನಯದ ʼಗಂಧದ ಗುಡಿʼ ಚಿತ್ರ ಇಂದು ರಾಜ್ಯದಾದ್ಯಂತ ಇಂದು ಬಿಡುಗಡೆಯಾಗಿದ್ದು, ಎಲ್ಲೆಡೆ ಅಭಿಮಾನಿಗಳು ಕುಣಿದು ಕುಪ್ಪಳಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ಇಬ್ಬರು ಅಭಿಮಾನಿಗಳು ಇಡೀ ಚಿತ್ರಮಂದಿರದ ಟಿಕೆಟ್‌ಗಳನ್ನು ಖರೀದಿಸಿ ಇಬ್ಬರೇ ಸಿನೆಮಾ ನೋಡಿ ಅಪ್ಪು ಅಭಿನಯವನ್ನು ಆನಂದಿಸಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.
ಇಂದು ಚಿತ್ರಮಂದಿರಗಳಲ್ಲಿ ಸುಮಾರು 250 ಸ್ಕ್ರೀನ್‌ಗಳಲ್ಲಿ ಗಂಧದ ಗುಡಿ ಬಿಡುಗಡೆಯಾಗಿದ್ದು, ಬೆಳಗ್ಗೆ 6 ಗಂಟೆಯಿಂದಲೇ ಅಪ್ಪು ಅಭೀಮಾನಿಗಳ ಅಬ್ಬರ ಶುರುವಾಗಿದೆ. ಎಲ್ಲಾ ಚಿತ್ರಮಂದಿರಗಳೂ ಹೌಸ್‌ಫುಲ್‌ ಆಗಿವೆ. ಈಗಿರುವಾಗ ಅಪ್ಪು ಅವರ ಇಬ್ಬರು ಅಭಿಮಾನಿಗಳು ಇಡೀ ಚಿತ್ರಮಂದಿರದ ಎಲ್ಲಾ ಸೀಟ್ ಗಳ ಟಿಕೆಟ್‌ಗಳನ್ನು ಕೊಂಡು ಇಬ್ಬರೇ ಕೂತು ಸಿನೆಮಾ ವೀಕ್ಷಿಸಿದ್ದಾರೆ. ಗಂಧದಗುಡಿ ಚಿತ್ರದಲ್ಲಿ ಅಪ್ಪು ತೋರಿಸಿರುವ ಕರ್ನಾಟಕದ ಪರಿಸರದ ಸೌಂದರ್ಯವನ್ನು ಸವಿದಿದ್ದಾರೆ.
ಅಪ್ಪು ಅವರ ಮೇಲಿನ ಅಭಿಮಾನಿದಿಂದ ಇಡೀ ಚಿತ್ರಮಂದಿರವನ್ನೇ ಕೊಂಡು ಇಬ್ಬರೇ ಸಿನೆಮಾ ವೀಕ್ಷಿಸಿರುವ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲೆಡೆ ವೈರಲ್‌ ಆಗುತ್ತಿದೆ.
