ಬ್ರೋಕರೇಜ್ ಸಂಸ್ಥೆ – ಬರ್ನ್ಸ್ಟೈನ್ ನಡೆಸಿರುವ ಇತ್ತೀಚಿನ ಸಂಶೋಧನೆಯ ಪ್ರಕಾರ ವಿಶಾಲವಾದ ವ್ಯಾಪಾರ (broad business) ಮತ್ತು ಆರ್ಥಿಕ ಮಾಪನಗಳಲ್ಲಿ (economic parameters) ಭಾರತವು ಚೀನಾಕ್ಕಿಂತ 16.5 ವರ್ಷಗಳಷ್ಟು ಹಿಂದಿದೆ ಎಂದು ಬಿಸಿನೆಸ್ ಸ್ಟ್ಯಾಂಡರ್ಡ್ (Business Standard) ವರದಿ ಮಾಡಿದೆ.
ಪೇಟೆಂಟ್‌ಗಳು (patents), ವಿದೇಶಿ ನೇರ ಹೂಡಿಕೆ (FDI), ವಿದೇಶೀ ವಿನಿಮಯ ಮೀಸಲು (forex reserves), ನಾಮಿನಲ್ ಜಿಡಿಪಿ (nominal gross domestic product (GDP)) ಮತ್ತು ರಫ್ತುಗಳನ್ನು ಒಳಗೊಂಡಿರುವ ವಿವಿಧ ಮಾನದಂಡಗಳನ್ನು ಪರಿಶೀಲಿಸಿ ಬರ್ನ್ಸ್ಟೈನ್ ಭಾರತ-ಚೀನಾ ಅಂತರವನ್ನು ಅಳೆದಿದೆ.
ಪೇಟೆಂಟ್‌ಗಳ ವಿಚಾರದಲ್ಲಿ ಭಾರತವು ಚೀನಾಕ್ಕಿಂತ 21 ವರ್ಷಗಳ ಹಿಂದೆ ಇದೆ ಎಂದು ವರದಿ ತಿಳಿಸಿದೆ. ಎಫ್‌ಡಿಐ ವಿಷಯದಲ್ಲಿ ಭಾರತವು ಚೀನಾಕ್ಕಿಂತ 20 ವರ್ಷಗಳು, ವಿದೇಶೀ ವಿನಿಮಯ ಸಂಗ್ರಹದಲ್ಲಿ 19 ವರ್ಷಗಳು ಮತ್ತು ರಫ್ತಿನಲ್ಲಿ 17 ವರ್ಷಗಳು ಹಿಂದಿದೆ.
Nominal GDP ಮತ್ತು ತಲಾ ಆದಾಯದಲ್ಲಿ ಭಾರತವು 15 ವರ್ಷಗಳಷ್ಟು ಹಿಂದೆ ಇದೆ. ಬಳಕೆಯ ವೆಚ್ಚದಲ್ಲಿ (consumption expenditure) ಭಾರತ 13 ವರ್ಷಗಳಷ್ಟು ಹಿಂದುಳಿದಿದೆ. ಒಟ್ಟು ಸ್ಥಿರ ಬಂಡವಾಳ ರಚನೆಯಲ್ಲಿ (gross fixed capital formation) 16 ವರ್ಷಗಳ ಹಿಂದಿದೆ.
ಬರ್ನ್‌ಸ್ಟೈನ್‌ನ ಈ ವಿಶ್ಲೇಷಣೆಯು ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (Reserve Bank of India RBI), ಚೀನಾದ ನ್ಯಾಷನಲ್‌ ಬ್ಯೂರೋ ಆಫ್ ಸ್ಟಟಾಸ್ಟಿಕ್ಸ್‌ (National Bureau of Statistics) ಭಾರತದ ಅಂಕಿಅಂಶ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ (Ministry of Statistics and Programme Implementation), ವಿಶ್ವ ಬ್ಯಾಂಕ್ ಹಾಗೂ ವರ್ಲ್ಡ್‌ ಇಂಟಲರಕ್ಚುವಲ್‌ ಪ್ರಾಪರ್ಟಿ ಆರ್ಗನೈಸೇಷನ್- ಇವುಗಳ ಅಂಕಿ ಅಂಶವನ್ನು ಆಧರಿಸಿ ತಯಾರಿಸಲಾಗಿದೆ.
ಭಾರತದ ಜಿಡಿಪಿ ಬೆಳವಣಿಗೆ
ಈ ವರದಿಯಲ್ಲಿ ಚೀನಾವು ಭಾರತಕ್ಕಿಂತ ಮುಂದಿರುವುದು ಕಂಡುಬಂದಿದೆ ಒಂದು ದಶಕದ ಹಿಂದೆ ಭಾರತ ವಿಶ್ವದ 11 ನೇ ಅತಿ ದೊಡ್ಡ ಜಿಡಿಪಿಯನ್ನು ಹೊಂದಿತ್ತು. ಆದರೆ ಕೆಲವು ವರ್ಷಗಳಿಂದ ಭಾರತ ಪ್ರಪಂಚದ ಐದನೇ ಅತೀದೊಡ್ಡ ಆರ್ಥಿಕತೆಯಾಗಿದೆ.
ಕಳೆದ ವರ್ಷ ಭಾರತದ 3.53 ಟ್ರಿಲಿಯನ್ ಡಾಲರ್‌ ಜಿಡಿಪಿ ಯುನೈಟೆಡ್‌ ಕಿಂಗ್‌ಡಮ್‌ನ 3.38 ಟ್ರಿಲಿಯನ್ ಡಾಲರನ್ನು ಹಿಂದಿಕ್ಕಿ ಪ್ರಪಂಚದ ಐದನೇ ಅತಿದೊಡ್ಡ ಆರ್ಥಿಕತೆಯಾಗಿ ಹೊರಹೊಮ್ಮಿತು. ಅಂತರಾಷ್ಟ್ರೀಯ ಹಣಕಾಸು ನಿಧಿಯ (International Monetary Fund) ಅಂಕಿಅಂಶಗಳನ್ನು ಆಧರಿಸಿ ಇದನ್ನು ನಿರ್ಣಯಿಸಲಾಗಿದೆ.
ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ (New Indian Express) ನಾಮಿನಲ್ GDPಯನ್ನು ವಿಶ್ಲೇಷಿಸಿ, ಜಿಡಿಪಿಯ ಸಮಸ್ಯೆಯೆಂದರೆ ಅವುಗಳನ್ನು ಮತ್ತೆ ಮತ್ತೆ ಪರಿಷ್ಕರಿಸುವುದು. ಅಂತಿಮ ಡೇಟಾವು ಎರಡು ಮೂರು ವರ್ಷಗಳ ನಂತರ ಬರುತ್ತದೆ. ಇನ್ನೊಂದು ರೀತಿಯಲ್ಲಿ ಹೇಳುವುದಾದರೆ, ರಾಷ್ಟ್ರೀಯ ಉತ್ಪಾದನೆಯ ಮೊದಲ ಅಂದಾಜು ಲೆಕ್ಕಾಚಾರ ಬಾಲ್‌ಪಾರ್ಕ್ ಅಂಕಿಅಂಶಗಳಾಗಿವೆ. ಇವುಗಳನ್ನು ಮೇಲಿಂದ ಕೆಳಗೆ ಪರಿಷ್ಕರಣೆಗಳಿಗೆ ಒಳಪಡಿಸಲಾಗುತ್ತದೆ.
ಒಂದು ದೇಶದ ನಾಮಿನಲ್ ಜಿಡಿಪಿಯನ್ನು ಆ ವರ್ಷದ ಸರಕು ಮತ್ತು ಸೇವೆಗಳ ಬೆಲೆಗಳಿಂದ ತಿಳಿಯಲಾಗುತ್ತದೆ. ಆದರೆ ನಿಜವಾದ ಜಿಡಿಪಿಯು ದೇಶದ ಹಣದುಬ್ಬರ-ಹೊಂದಾಣಿಕೆಯ ಜಿಡಿಪಿಯಾಗಿದೆ.
ಜಿಡಿಪಿ ಬೆಳವಣಿಗೆಯ ಬಗ್ಗೆ ಡೆಕನ್‌ ಹೆರಾಲ್ಡ್‌ನ ಜುಲೈಯ ವರದಿಯೊಂದರಲ್ಲಿ ಅಧಿಕ ಆದಾಯ ಹೊಂದಿರುವ ದೇಶಗಳಲ್ಲಿ ಕಡಿಮೆ ಜಿಡಿಪಿ ಬೆಳವಣಿಗೆ ಕಂಡು ಬಂದಿದೆ, ಆರ್ಥಿಕ ಸಮೃದ್ಧಿ ಮತ್ತು ಕುಸಿಯುತ್ತಿರುವ ಜನಸಂಖ್ಯೆಯಿಂದಾಗಿ ಅಭಿವೃದ್ಧಿಶೀಲ ರಾಷ್ಟ್ರಗಳು ಹೆಚ್ಚಿನ ಜಿಡಿಪಿ ಬೆಳವಣಿಗೆ ದಾಖಲಾಗಿದೆ ಎಂದು ಉಲ್ಲೇಖಿಸಲಾಗಿದೆ. 2013-2022ರ ಅವಧಿಯಲ್ಲಿ ಸದ್ಯದ ಡಾಲರ್‌ಗಳಲ್ಲಿ ಸುಮಾರು 7% ರಷ್ಟು ಪ್ರಭಾವಶಾಲಿ ಬೆಳವಣಿಗೆಯನ್ನು ಹೊಂದಿಲ್ಲದಿದ್ದರೂ ಅಭಿವೃದ್ಧಿಶೀಲ ರಾಷ್ಟ್ರವಾದ ಭಾರತವು ಈ ನಾಲ್ಕು ದೇಶಗಳನ್ನು ದಾಟಿ ಐದನೇ ಅತಿದೊಡ್ಡ ದೇಶವಾಗಿ ಹೊರಹೊಮ್ಮಿದೆ. ಆದರೆ ತಲಾ ಆದಾಯದ ವಿಷಯದಲ್ಲಿ ಭಾರತವು ತುಂಬಾ ಹಿಂದುಳಿದಿದೆ ಎಂದು ಪತ್ರಿಕೆ ದಾಖಲಿಸಿದೆ. 2030ರ ಹೊತ್ತಿಗೆ 10 ಟ್ರಿಲಿಯನ್ ಡ್ರಾಲರ್‌ ಎಕಾನಮಿಯಾಗಿ ಹೊರಹೊಮ್ಮುವುದು ಭಾರತದ ಗುರಿ.
ವಿಶ್ವ ಬ್ಯಾಂಕ್ (World Bank) ಪ್ರಕಾರ 2021 ರಲ್ಲಿ ಇದ್ದ 8.4% ವರ್ಷದ ಜಿಡಿಪಿಗೆ ಹೋಲಿಸಿದರೆ 2022 ರಲ್ಲಿ ಕೇವಲ 3% ಇತ್ತು. ಭಾರತವು 2022 ರಿಂದ 7% ರಷ್ಟು ವೇಗವಾಗಿ ಬೆಳೆಯುತ್ತಿದ್ದು, ಒಂದೋ ಅದೇ ಮಟ್ಟದಲ್ಲಿ ಇಲ್ಲವೇ ಹೆಚ್ಚಿನ ಬೆಳವಣಿಗೆಯನ್ನು ಕಾಣಬಹುದು ಎಂದು,” ಬಿಸಿನೆಸ್ ಡೈಲಿ ತಿಳಿಸಿದೆ.
ಬಿಸಿನೆಸ್ ಸ್ಟ್ಯಾಂಡರ್ಡ್ ಪ್ರಕಾರ ಚೀನಾಕ್ಕಿಂತ ಕಡಿಮೆ ಕಾರ್ಮಿಕ ವೆಚ್ಚದಲ್ಲಿ ಭಾರತವು ಯುವ ಉದ್ಯೋಗಿಗಳನ್ನು ಹೊಂದಿದ್ದರೂ, ಚೀನಾದ ಪ್ರತೀ ಕಾರ್ಮಿಕರ ಉತ್ಪಾದಕತೆ (Productivity) ಭಾರತಕ್ಕಿಂತ ಹೆಚ್ಚಿದೆ.
