ಲಕ್ನೋ : ಕಾಡಿನಲ್ಲಿ 15ರ ಅಪ್ರಾಪ್ತ ಹುಡುಗಿಯನ್ನು ಸಾಮೂಹಿಕ ಅತ್ಯಾಚಾರಕ್ಕೆ ಪ್ರಯತ್ನ ಪಟ್ಟಾಗ ಹುಡುಗಿ ಅಲ್ಲಿಂದ ಬೆತ್ತಲಾಗಿ ಬರುವ ವೇಳೆ ಅಲ್ಲಿನ ಜನ ಹುಚ್ಚಿ ಎಂಬ ಪಟ್ಟ ಕಟ್ಟಿ ಕಲ್ಲೆಸೆದಿರುವ ಘಟನೆ ಉತ್ತರ ಪ್ರದೇಶದ ಮೊರಾದಾಬಾದ್‌ನಲ್ಲಿ ನಡೆದಿದೆ.
ಹಿನ್ನಲೆ : ಹುಡುಗಿ ತನ್ನ ಸ್ನೇಹಿತರೋಂದಿಗೆ ಪಕ್ಕದ ಊರಿನ ಜಾತ್ರೆಗೆ ಹೋಗಿ ಹಿಂತಿರುಗಿ ಬರುವಾಗ ಸಂಜೆ ಕತ್ತಲಾಗಿ ಸುಮಾರು 8 ಗಂಟೆಯಾಗಿತ್ತು. ಈ ವೇಳೆ ಬೈಕ್‌ನಲ್ಲಿ ಬಂದ ಇಬ್ಬರು ಕಾಮುಕರು ಹುಡುಗಿಯನ್ನು ಅಪಹರಿಸಿಕೊಂಡು ಹೋಗಿ ಸೈಯದ್ ಪುರ್‌ ಖಾದರ್‌ ಏರಿಯಾದಲ್ಲಿರುವ ಒಂದು ಕಾಡಿಗೆ ಎಳೆದುಕೊಂಡು ಅತ್ಯಾಚಾರ ಕೃತ್ಯವನ್ನು ನಡೆಸಿದ್ದಾರೆ. ಅಲ್ಲಿಂದ ಅವಳು ಬೆತ್ತಲಾಗಿ, ತೀವ್ರ ರಕ್ತಸ್ರಾವದಿಂದ ತಪ್ಪಿಸಿಕೊಂಡು ಬರುತ್ತಿರುವಾಗ ಅಲ್ಲಿನ ಸ್ಥಳೀಯರು ಅವಳನ್ನು ಹುಚ್ಚಿ ಎಂದು ಪರಿಗಣಿಸಿರುವ ದುರಂತ ಸೆಪ್ಟಂಬರ್‌ 1 ರಂದು ನಡೆದಿದೆ. ಆ ಸ್ಠಿತಿಯಲ್ಲಿ ಮನೆಗೆ ಬಂದ ಯುವತಿ ತನ್ನ ಅಕ್ಕನ ಬಳಿ ನಡೆದುದ್ದರ ಬಗ್ಗೆ ಹೇಳಿಕೊಳ್ಳುತ್ತಾಳೆ. 6 ದಿನದ ನಂತರ ಹುಡುಗಿಯ ಚಿಕ್ಕಪ್ಪ ಪೋಲೀಸರಿಗೆ ದೂರು ದಾಖಲು ಮಾಡಿದ್ದಾರೆ.
ಘಟನೆಯ ಕುರಿತು ಮಾತನಾಡಿದ ಅಲ್ಲಿನ ಪೋಲೀಸರು ʼಹುಚ್ಚಿಯ ಪಟ್ಟ ಇರುವುದರಿಂದ ಹುಡುಗಿಯನ್ನು ವೈದ್ಯಕೀಯ ತಪಾಸಣೆಗೆ ಕಳುಹಿಸಲಾಗಿದೆ. ಆದರೆ ಈ ಬಗ್ಗೆ ಯಾವುದೇ ರೀತಿಯ ವರದಿಯೂ ಬಂದಿಲ್ಲ. ಅತ್ಯಾಚಾರ ಆಗಿದ್ದು ಸಹ ಸ್ಪಷ್ಟನೆ ಇಲ್ಲ ಆದರೂ ಒಬ್ಬರನ್ನು ಬಂಧಿಸಿದ್ದೇವೆ. ಅತ್ಯಾಚಾರದ ಕುರಿತು ಹೆಚ್ಚು ತನಿಖೆ ನಡೆಯುತ್ತಿದ್ದು, ವೈದ್ಯರಿಂದ ಬಾಲಕಿಯ ಆರೋಗ್ಯ ಸ್ಥಿತಿಯ ವರದಿ ಬಂದ ಆದಾರದ ಮೇಲೆ ಮುಂದಿನ ಕ್ರಮ ಕೈಗೊಳ್ಳಲಾಗುತ್ತದೆʼ ಎಂದು ಮಾಹಿತಿ ನೀಡಿದ್ದಾರೆ.
ಹುಡುಗಿ ರಸ್ತೆಯಲ್ಲಿ ಹೋಗುತ್ತಿರುವ ವೀಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದ್ದು, ಯೋಗಿತಾ ಭಯಾನಾ ಎಂಬವವರು ಈ ವೀಡಿಯೋವನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದರೆ. 12 ಲಕ್ಷ ಮಂದಿ ವೀಡಿಯೋ ನೋಡಿದ್ದಾರೆ ಎಂದು ತಿಳಿದು ಬಂದಿದೆ.
