ಕೆಲವು ದಿನಗಳ ಹಿಂದೆ ಮಹಾರಾಷ್ಟ್ರದ ಜಲಗಾಂವ್ ಜಿಲ್ಲೆಯ ವರಂಗಾಂವ್ ಆರ್ಡಿನೆನ್ಸ್ ಫ್ಯಾಕ್ಟರಿಯಿಂದ ಐದು ಅತ್ಯಾಧುನಿಕ ರೈಫಲ್ ಗಳನ್ನು ಕಳ್ಳತನ ಮಾಡಿರುವ ಘಟನೆ ಬೆಳಕಿಗೆ ಬಂದಿದೆ. ಈ ಪ್ರಕರಣದಲ್ಲಿ ಅಪರಿಚಿತ ಆರೋಪಿಯ ವಿರುದ್ಧ ವರಂಗಾವ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಸಲಾಗುತ್ತಿದೆ.
ಏತನ್ಮಧ್ಯೆ, ಸೋಮವಾರ (28 ಅಕ್ಟೋಬರ್), ಐದು ರೈಫಲ್‌ಗಳಲ್ಲಿ ಮೂರು ರೈಫಲ್‌ಗಳು ರೈಲ್ವೆ ಹಳಿಯಲ್ಲಿ ಪತ್ತೆಯಾಗಿವೆ. ಈ ಪ್ರಕರಣದಲ್ಲಿ ಎರಡು ಎಕೆ 47 ಬಂದೂಕುಗಳಿಗಾಗಿ ಪೊಲೀಸರು ಇನ್ನೂ ಶೋಧ ನಡೆಸುತ್ತಿದ್ದಾರೆ.
ಮಾಹಿತಿಯ ಪ್ರಕಾರ, ಅಕ್ಟೋಬರ್ 19ರಿಂದ ಅಕ್ಟೋಬರ್ 21ರ ನಡುವೆ ಈ ಘಟನೆ ನಡೆದಿದ್ದು, ಆರ್ಡನೆನ್ಸ್ ಫ್ಯಾಕ್ಟರಿಯ ಗುಣಮಟ್ಟ ನಿಯಂತ್ರಣ (ಪ್ರೂಫ್ ಟೆಸ್ಟಿಂಗ್) ಗೋದಾಮಿನ ಬಾಗಿಲಿನ ಬೀಗ ಮತ್ತು ಸೀಲ್ ಮುರಿದಿರುವುದು ಕಂಡುಬಂದಿದೆ. ಇದರ ನಂತರ, ತನಿಖೆಯ ವೇಳೆ, ಯಾರೋ ಅಪರಿಚಿತರು ಮೂರು ಎಕೆ -47 ರೈಫಲ್‌ಗಳು ಮತ್ತು ಎರಡು 5.56 ಗಲೀಲ್ ಎಸ್ ರೈಫಲ್‌ಗಳು ಸೇರಿದಂತೆ ಐದು ರೈಫಲ್‌ಗಳನ್ನು ಕದ್ದೊಯ್ದಿರುವುದು ಕಂಡುಬಂದಿದೆ.
ಎರಡು ರೈಫಲ್‌ಗಳು ಇನ್ನೂ ನಾಪತ್ತೆ
ವರಂಗಾಂವ್ ಲೈನ್‌ನಲ್ಲಿ ಅಪ್ ಮುಖ್ಯ ಮಾರ್ಗದ ಹಳಿಗಳ ನಡುವೆ ಮೂರು ರೈಫಲ್‌ಗಳು ಬಿದ್ದಿವೆ ಎಂದು ಸೋಮವಾರ ಭದ್ರತಾ ನಿಯಂತ್ರಣ ಭೂಸಾವಲ್‌ನಿಂದ ಮಾಹಿತಿ ಬಂದಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಅದರ ನಂತರ ಪೊಲೀಸರು ಭೂಸಾವಲ್ ಮತ್ತು ವರಂಗಾವ್ ರೈಲು ನಿಲ್ದಾಣದ ನಡುವೆ ಮೂರು ರೈಫಲ್‌ಗಳನ್ನು ಪತ್ತೆ ಮಾಡಿದರು. ಈ ಪ್ರಕರಣದಲ್ಲಿ ಅಪರಿಚಿತ ವ್ಯಕ್ತಿಯ ವಿರುದ್ಧ ವರಂಗಾವ್ ಪೊಲೀಸ್ ಠಾಣೆಯಲ್ಲಿ ಬಿಎನ್‌ಎಸ್ ಸೆಕ್ಷನ್ 305(ಎ), 331(3), 331(4) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ. ಅಲ್ಲದೆ, ಈ ವಿಚಾರದಲ್ಲಿ ರಾಜ್ಯದ ಎಲ್ಲಾ ಸಂಸ್ಥೆಗಳಿಗೂ ಎಚ್ಚರಿಕೆ ನೀಡಲಾಗಿದೆ.
#Maharashtra News
