ಸಂವಿಧಾನದ 348(1)ನೇ ವಿಧಿಯ ಸಿಂಧುತ್ವವನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್‌ನಲ್ಲಿ ವಿಚಾರಣೆಗಳನ್ನು ಹಿಂದಿಯಲ್ಲಿ ನಡೆಸುವಂತೆ ಕೋರಿ ಸಲ್ಲಿಸಲಾಗಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು (ಪಿಐಎಲ್) ಸ್ವೀಕರಿಸಲು ಸುಪ್ರೀಂ ಕೋರ್ಟ್ ನವೆಂಬರ್ 4ರಂದು ನಿರಾಕರಿಸಿದೆ.
ಗಮನಾರ್ಹವಾಗಿ, ಆರ್ಟಿಕಲ್ 348(1) ಸುಪ್ರೀಂ ಕೋರ್ಟ್ ಮತ್ತು ಎಲ್ಲಾ ಹೈಕೋರ್ಟ್‌ಗಳಲ್ಲಿ ಎಲ್ಲಾ ಪ್ರಕ್ರಿಯೆಗಳನ್ನು ಇಂಗ್ಲಿಷ್ ಭಾಷೆಯಲ್ಲಿ ಮಾಡಬೇಕು ಎಂದು ಹೇಳುತ್ತದೆ. ಸಿಜೆಐ ಡಿವೈ ಚಂದ್ರಚೂಡ್, ನ್ಯಾಯಮೂರ್ತಿಗಳಾದ ಜೆಬಿ ಪರ್ದಿವಾಲಾ ಮತ್ತು ಮನೋಜ್ ಮಿಶ್ರಾ ಅವರನ್ನೊಳಗೊಂಡ ಪೀಠವು ಈ ಬಗ್ಗೆ ವಿಚಾರಣೆ ನಡೆಸುತ್ತಿದೆ.
ದೇಶದ ವಿವಿಧ ರಾಜ್ಯಗಳ ಕಕ್ಷಿದಾರರು ಸುಪ್ರೀಂ ಕೋರ್ಟ್‌ಗೆ ಮನವಿ ಸಲ್ಲಿಸುತ್ತಾರೆ, ಹಿಂದಿ ಭಾಷೆಯಲ್ಲಿ ಮಾತ್ರ ಏಕೆ ವಿಚಾರಣೆ ನಡೆಸಲು ಪಿಐಎಲ್‌ನಲ್ಲಿ ಕೋರಲಾಗಿದೆ ಎಂದು ಸಿಜೆಐ ಡಿವೈ ಚಂದ್ರಚೂಡ್ ಅರ್ಜಿದಾರರನ್ನು ಕೇಳಿದರು.
“ಹಿಂದಿ ಮಾತ್ರ ಏಕೆ? ನಮ್ಮಲ್ಲಿ ಮೇಲ್ಮನವಿಗಳು ಮತ್ತು ಎಸ್‌ಎಲ್‌ಪಿಗಳು ಎಲ್ಲಾ ರಾಜ್ಯಗಳಿಂದ ಈ ನ್ಯಾಯಾಲಯಕ್ಕೆ ಬರುತ್ತವೆ. ನಾವು ಈಗ ಸಂವಿಧಾನದಿಂದ ಗುರುತಿಸಲ್ಪಟ್ಟ ಪ್ರತಿಯೊಂದು ಭಾಷೆಯಲ್ಲಿ ಹಿಯರಿಂಗ್‌ ಮಾಡಬೇಕೇ? ಇದು ಹೇಗೆ ಕೆಲಸ ಮಾಡುತ್ತದೆ?” ಎಂದು ಕೇಳಿದ್ದಾರೆ.
ಸವಾಲಿನ ಅಡಿಯಲ್ಲಿನ ನಿಬಂಧನೆಯು ಮೂಲ ಸಂವಿಧಾನದ ಭಾಗವಾಗಿದೆ ಎಂದು ಅವರು ಸೂಚಿಸಿರುವ ಇವರು, “ಸಂವಿಧಾನದ 348(1) ನೇ ವಿಧಿಯ ಸಿಂಧುತ್ವವನ್ನು ನೀವು ಹೇಗೆ ಪ್ರಶ್ನಿಸಬಹುದು? ಇದು ಮೂಲ ಸಂವಿಧಾನದ ಭಾಗವಾಗಿದೆ,” ಎಂದು ಕೇಳಿದ್ದಾರೆ.
ಸುಪ್ರೀಂ ಕೋರ್ಟ್‌ನಲ್ಲಿ ಭಾಷಾವಾರು ಅಡೆತಡೆಯು ನ್ಯಾಯಾಂಗದ ಒಳಗೆ ಪ್ರವೇಶ ನಿರಾಕರಣೆಗೆ ಕಾರಣವಾಯಿತು ಎಂದು ಅರ್ಜಿದಾರರು ವಾದಿಸಿದರು. ಪೀಠವು ಈ ವಾದವನ್ನು ನಿರಾಕರಿಸಿ, ಅದನ್ನು ವಜಾಗೊಳಿಸಿತು.
“ಈ ರಿಟ್ ಅರ್ಜಿಗೆ ಅರ್ಹತೆಯ ಕೊರತೆಯಿದೆ, ಹಾಗಾಗಿ ವಜಾಗೊಳಿಸಲಾಗಿದೆ.”
ಪ್ರಕರಣದ ವಿವರಗಳು: ಕಿಶನ್ ಚಂದ್ ಜೈನ್ ವರ್ಸಸ್ ಯೂನಿಯನ್ ಆಫ್ ಇಂಡಿಯಾ ಮತ್ತು ANR. WP(C) No. 701/2024
