ಹುಲಿ ಚರ್ಮ ಕಳ್ಳಸಾಗಣೆ: ಇಬ್ಬರು ವ್ಯಕ್ತಿಗಳು ಬಂಧನ

ಛತ್ತೀಸ್ಗಢ: ಕಂಕೇರ್ ಜಿಲ್ಲೆಯಲ್ಲಿ ಹುಲಿ ಚರ್ಮ ಕಳ್ಳಸಾಗಣೆ ಮಾಡುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.

ಮಾಹಿತಿ ಪ್ರಕಾರ, ಶನಿವಾರದಂದು, ದುಧ್ವಾ ಕಡೆಯಿಂದ ಇಬ್ಬರು ಕಳ್ಳಸಾಗಣೆದಾರರು ಹುಲಿ ಚರ್ಮವನ್ನು ಹೊತ್ತ ಬಿಳಿ ಬಣ್ಣದ ಕಾರಿನಲ್ಲಿ ಕಂಕೇರ್ ಕಡೆಗೆ ಬರುತ್ತಿದ್ದಾರೆ ಎಂದು ಮಾಹಿತಿದಾರರಿಂದ ಪೊಲೀಸರಿಗೆ ಮಾಹಿತಿ ಬಂದಿತ್ತು. ಈ ಮಾಹಿತಿಯ ಆಧಾರದ ಮೇಲೆ ಕಂಕೇರ್ ಎಸ್ಪಿ ಶಲಭ್ ಸಿನ್ಹಾ ಅವರು ಪೊಲೀಸ್‌ ಸಿಬ್ಬಂದಿಗಳಿಗೆ ಚೆಕ್‌ಪೋಸ್ಟ್ ಹಾಕುವ ಮೂಲಕ ಎಲ್ಲಾ ವಾಹನಗಳನ್ನು ಪರಿಶೀಲಿಸಲು ಹೇಳಿದ್ದಾರೆ.

ಈ ವೇಳೆ ಮಾಹಿತಿದಾರರ ಪ್ರಕಾರ ಸಿಜಿ 12 ಎಜೆ 0256 ನಂಬರಿನ ಬಿಳಿ ಬಣ್ಣದ ಕಾರು ಕಂಕೇರ್ ಕಡೆಗೆ ಬಂದಿದ್ದು, ಪರಿಶೀಲನೆ ನಡೆಸಿದಾಗ ಹುಲಿಯ ಚರ್ಮವನ್ನು ಇಬ್ಬರು ವ್ಯಕ್ತಿಗಳು ಕಳ್ಳಸಾಗಣೆಯಲ್ಲಿ ತೊಡಗಿಸಿಕೊಂಡಿರುವುದು ಬೆಳಕಿಗೆ ಬಂದಿದೆ.

ಈ ಕುರಿತು ಕಂಕೇರ್ ಎಸ್ಪಿ ಶಲಭ್ ಸಿನ್ಹಾ ಅವರು ಮಾಹಿತಿ ನೀಡಿದ್ದು, ಹುಲಿ ಚರ್ಮವನ್ನು ಕಳ್ಳ ಸಾಗಣೆ ಮಾಡುತ್ತಿದ್ದ  ಇಬ್ಬರು ವ್ಯಕ್ತಿಗಳನ್ನು ಬಂಧಿಸಲಾಗಿದ್ದು, ಈ ಕುರಿತು ವಿಚಾರಣೆ ನಡೆಸಿದಾಗ ಇನ್ನೂ ಕೆಲವರು ಈ ದಂಧೆ ನಡೆಸುತ್ತಿರುವುದು ತಿಳಿದು ಬಂದಿದೆ. ಈ ಹಿನ್ನಲೆಯಲ್ಲಿ ಹೆಚ್ಚಿನ ತನಿಖೆ ನಡೆಸಲಾಗುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.