ಸೂಪರ್ ಸ್ಟಾರ್ ರಜನಿಕಾಂತ್ (superstar Rajnikanth) ಅಭಿನಯದ ನೆಲ್ಸನ್ ದಿಲೀಪ್ ಕುಮಾರ್ ನಿರ್ದೇಶನದ ಚಿತ್ರ ಜೈಲರ್. ಸನ್ ಪಿಕ್ಚರ್ಸ್ (Sun pictures) ನಿರ್ಮಾಣದ ಈ ಸಿನಿಮಾದಲ್ಲಿ ತಮನ್ನಾ ಮತ್ತು ರಮ್ಯಾ ಕೃಷ್ಣ ನಾಯಕಿಯರಾಗಿ ನಟಿಸಿದ್ದಾರೆ.
ಮೋಹನ್ ಲಾಲ್ (Mohanlal) ಮತ್ತು ಶಿವಣ್ಣ (Shivrajkumar) ಈ ಚಿತ್ರದಲ್ಲಿ ಅತಿಥಿ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರವು ಆಗಸ್ಟ್ 10ರಂದು ಬಿಡುಗಡೆಯಾಗಿ ದೊಡ್ಡ ಯಶಸ್ಸನ್ನು ಪಡೆದಿದೆ. ಸತತ 6 ಫ್ಲಾಪ್‌ಗಳ ನಂತರ ರಜನಿಯವರಿಗೆ ಒಂದು ಬ್ಲಾಕ್‌ಬಸ್ಟರ್ ಹಿಟ್ ಸಿಕ್ಕಂತಾಗಿತ್ತು. ಯಶಸ್ಸು ಮಾತ್ರವಲ್ಲ ಅದೇ ರೇಂಜ್ ನಲ್ಲಿ ಕಲೆಕ್ಷನ್ ಕೂಡ ಆಗಿದೆ. ಈ ಚಿತ್ರವು ಸುಮಾರು ರೂ. 600 ಕೋಟಿ ಕಲೆಕ್ಷನ್ ಮಾಡುವ ರಜನಿ ಸಾಮರ್ಥ್ಯ ಏನೆಂದು ತೋರಿಸಿದೆ. ಮತ್ತು ಈ ಚಿತ್ರವು ಬಾಕ್ಸ್ ಆಫೀಸ್ನಲ್ಲಿ ಈಗಲೂ ಓಡುತ್ತಲೇ ಇದೆ.
ಇದೆಲ್ಲದರ ನಡುವೆ ಈಗ ಚಿತ್ರ ವಿವಾದಕ್ಕೆ ಸಿಲುಕಿದೆ. ಇತ್ತೀಚೆಗೆ ಸಿನೆಮಾಗಳಲ್ಲಿನ ವಿಷಯಗಳಿಗೆ ಕೋರ್ಟಿಗೆ ಹೋಗುವುದು ತೀರಾ ಮಾಮೂಲಿ ವಿಷಯ. ಹಾಗೆಯೇ ಇತ್ತೀಚೆಗಷ್ಟೇ ಆರ್‌ಸಿಬಿ ತಮ್ಮ ತಂಡಕ್ಕೆ ಜೈಲರ್‌ನಿಂದ ಅವಮಾನವಾಗಿದೆ ಎಂದು ನ್ಯಾಯಾಲಯದ ಮೊರೆ ಹೋಗಿತ್ತು.
ಒಂದು ದೃಶ್ಯದಲ್ಲಿ ಕಾಂಟ್ರಾಕ್ಟ್ ಕಿಲ್ಲರ್.. RCB ಜರ್ಸಿ ಧರಿಸಿ.. ಮಹಿಳೆಗೆ ಅಸಭ್ಯ ಭಾಷೆಯಲ್ಲಿ ಕಿರುಕುಳ ನೀಡುತ್ತಾನೆ. ಅದು ಐಪಿಎಲ್ ತಂಡಕ್ಕೆ ಇಷ್ಟವಾಗಿಲ್ಲ. ಆರ್‌ಸಿಬಿ ಜೆರ್ಸಿಯನ್ನು ಅವಮಾನಕರವಾಗಿ ಚಿತ್ರಿಸಿದ್ದು, ಕೂಡಲೇ ದೃಶ್ಯವನ್ನು ಅಳಿಸುವಂತೆ ಆರ್‌ಸಿಬಿ ನ್ಯಾಯಾಲಯದಲ್ಲಿ ಮೊಕದ್ದಮೆ ದಾಖಲಿಸಿದೆ.
ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೆಹಲಿ ಹೈಕೋರ್ಟ್ ತೀರ್ಪು ನೀಡಿದ್ದು ಜೆರ್ಸಿಯೊಂದಿಗಿನ ದೃಶ್ಯವನ್ನು ತೆಗೆದುಹಾಕಬೇಕು ಎಂದು ಜೈಲರ್ ತಯಾರಕರಿಗೆ ಆದೇಶವನ್ನು ನೀಡಿದ್ದಾರೆ.
ನಾವು ಜೈಲರ್ (Jailer) ಸಿನಿಮಾ ನೋಡಿದ್ದೇವೆ ಆದರೆ.. ಈ ಜೆರ್ಸಿ ಎಲ್ಲೂ ಕಾಣಿಸಿಲ್ಲ ಎನ್ನುವುದು ನಿಮ್ಮ ಅನುಮಾನವಾಗಿದ್ದಲ್ಲಿ… ರಜನಿಯ ಮೊಮ್ಮಗನನ್ನು ಕೊಲ್ಲಲು ಇಬ್ಬರು ಹಂತಕರು ಬರುತ್ತಾರೆ.. ಅವರಲ್ಲೊಬ್ಬ.. ರಜನಿ ಸೊಸೆಯ ಕುರಿತು ಅಶ್ಲೀಲ ಕಾಮೆಂಟ್ ಮಾಡುತ್ತಾನೆ.. ಅವನು RCB ಜೆರ್ಸಿ ಧರಿಸಿರುವುದು ಕಾಣಿಸುತ್ತದೆ. ಇದೀಗ ಈ ವಿಷಯ ವೈರಲ್ ಆಗಿದ್ದು, ಬೆಂಗಳೂರು ರಾಯಲ್ ಚಾಲೆಂಜರ್ಸ್ (ಆರ್‌ಸಿಬಿ/ Bangalore Royal Challengers) ಅಭಿಮಾನಿಗಳೂ ಅಂತಹವರೇ ಎನ್ನುವ ಟ್ರೋಲ್‌ ಓಡಾಡುತ್ತಿದೆ.
